tere darbar mein aae hain le kar dil ka nazrana

tere darbār meñ aa.e haiñ le kar dil kā nazrāna

uThā nazreñ pilā sāġhar banā de ham ko dīvāna

maiñ kaise ab sambhālūñ dil karūñ kyūñ-kar na maiñ sajde

terī sūrat meñ aatī hai nazar tasvīr-e-jānāna

salāt-o-saum sajde or baitullāh kā ye haj

mubārak ho tujhe vaa.iz merā dil hai sanam-ḳhāna

biThā kar dil meñ ik but ko maiñ puujā us kī kartā huuñ

zamāne se nirālā hai mirā mashrab ye rindāna

maiñ jab thā kuchh nahīñ thā kuchh sabhī kuchh huuñ nahīñ ho kar

nazar aatā mirā jalva har ik sū be-hijābāna

tere qadmoñ pe rakh dī jab jabīn-e-shauq 'kāvish' ne

razā par terī raazī hai tirā saudā.ī dīvāna

tere darbar mein aae hain le kar dil ka nazrana

uTha nazren pila saghar bana de hum ko diwana

main kaise ab sambhaalun dil karun kyun-kar na main sajde

teri surat mein aati hai nazar taswir-e-jaanana

salat-o-saum sajde or baitullah ka ye haj

mubarak ho tujhe waiz mera dil hai sanam-KHana

biTha kar dil mein ek but ko main puja us ki karta hun

zamane se nirala hai mera mashrab ye rindana

main jab tha kuchh nahin tha kuchh sabhi kuchh hun nahin ho kar

nazar aata mera jalwa har ek su be-hijabana

tere qadmon pe rakh di jab jabin-e-shauq 'kawish' ne

raza par teri raazi hai tera saudai diwana