tere ishq meñ zindagānī luTā dī

tire ishq meñ zindagānī luTā dī

ajab khel khelā javānī luTā dī

nahīñ dil meñ dāġh-e-tamannā bhī baaqī

unhīñ par se un kī nishānī luTā dī

kuchh is tarah zālim ne dekhā ki ham ne

na sochā na samjhā javānī luTā dī

tumhāre hī kāran tumhārī badaulat

tumhārī qasam zindagānī luTā dī

adāoñ ko dekhā nigāhoñ ko dekhā

hazāroñ tarah se javānī luTā dī

ġhazab to ye hai ham ne mahfil kī mahfil

sunā kar vafā kī kahānī luTā dī

jahāñ koī dekhā hasīñ jalva-ārā

vahīñ ham ne apnī javānī luTā dī

nigāhoñ se saaqī ne sahbā-e-ulfat

sitam ye hai tā-dūr-e-sānī luTā dī

javānī ke jazboñ se allāh samjhe

javānī jo dekhī javānī luTā dī

bujhā.ī hai pyaas aaj dāman kī ham ne

sharāb-e-nazar kar ke paanī luTā dī

tumhīñ par se 'bahzād' ne be-ḳhudī meñ

kyā dil tasadduq javānī luTā dī

tere ishq meñ zindagānī luTā dī

ajab khel khelā jawānī luTā dī

nahīñ dil meñ dāġh-e-tamannā bhī baqī

unhīñ par se un kī nishānī luTā dī

kuchh is tarah zālim ne dekhā ki hum ne

na sochā na samjhā jawānī luTā dī

tumhāre hī kāran tumhārī badaulat

tumhārī qasam zindagānī luTā dī

adāoñ ko dekhā nigāhoñ ko dekhā

hazāroñ tarah se jawānī luTā dī

ġhazab to ye hai hum ne mahfil kī mahfil

sunā kar wafā kī kahānī luTā dī

jahāñ koī dekhā hasīñ jalwa-ārā

wahīñ hum ne apnī jawānī luTā dī

nigāhoñ se saqī ne sahbā-e-ulfat

sitam ye hai tā-dūr-e-sānī luTā dī

jawānī ke jazboñ se allāh samjhe

jawānī jo dekhī jawānī luTā dī

bujhāī hai pyas aaj dāman kī hum ne

sharāb-e-nazar kar ke panī luTā dī

tumhīñ par se 'bahzād' ne be-ḳhudī meñ

kyā dil tasadduq jawānī luTā dī