teri mahfil mein farq-e-kufr-o-iman kaun dekhega

tirī mahfil meñ farq-e-kufr-o-īmāñ kaun dekhegā

fasāna hī nahīñ koī to unvāñ kaun dekhegā

yahāñ to ek lailā ke na jaane kitne majnūñ haiñ

yahāñ apnā garebāñ apnā dāmāñ kaun dekhegā

bahut nikle haiñ lekin phir bhī kuchh armān haiñ dil meñ

ba-juz tere mirā ye soz-e-pinhāñ kaun dekhegā

agar parde kī jumbish se laraztā hai to phir ai dil

tajalli-e-jamāl-e-rū-e-jānāñ kaun dekhegā

agar ham se ḳhafā honā hai to ho jā.iye hazrat

hamāre ba.ad phir andāz-e-yazdāñ kaun dekhegā

mujhe pī kar bahakne meñ bahut hī lutf aatā hai

na tum dekhoge to phir mujh ko farhāñ kaun dekhegā

jise kahtā hai ik aalam 'azīz'-e-vāris-e-ālam

use aalam meñ hairān-o-pareshāñ kaun dekhegā

teri mahfil mein farq-e-kufr-o-iman kaun dekhega

fasana hi nahin koi to unwan kaun dekhega

yahan to ek laila ke na jaane kitne majnun hain

yahan apna gareban apna daman kaun dekhega

bahut nikle hain lekin phir bhi kuchh arman hain dil mein

ba-juz tere mera ye soz-e-pinhan kaun dekhega

agar parde ki jumbish se larazta hai to phir ai dil

tajalli-e-jamal-e-ru-e-jaanan kaun dekhega

agar hum se KHafa hona hai to ho jaiye hazrat

hamare baad phir andaz-e-yazdan kaun dekhega

mujhe pi kar bahakne mein bahut hi lutf aata hai

na tum dekhoge to phir mujh ko farhan kaun dekhega

jise kahta hai ek aalam 'aziz'-e-waris-e-alam

use aalam mein hairan-o-pareshan kaun dekhega