teri mahfil mein jo aaya ba-andaz-e-ajab aaya

tirī mahfil meñ jo aayā ba-andāz-e-ajab aayā

koī lailā-adā aayā koī majnūñ-laqab aayā

vo masjūd-e-malā.ik kisvat-e-insāñ meñ jab aayā

kabhī ādam-laqab aayā kabhī faḳhr-e-arab aayā

zabāñ jab ho chukī thī band bīmār-e-mohabbat kī

koī bahr-e-masīhā.ī agar aayā to kab aayā

nigāh-e-be-niyāzī se azal meñ us ne jab dekhā

tazalzul sar-zamīn-e-dil meñ bā-shor-o-shaġhab aayā

yahī un se kahā thā ham gunahgār-e-mohabbat haiñ

qayāmat ho ga.ī barpā sitam TuuTā ġhazab aayā

tirī mahfil ke āne-jāne vaale sāqiyā dekhe

na koī bā-ḳhabar niklā na koī bā-adab aayā

maiñ vo jān-e-tapīda thā ki merī saḳht-jānī kā

tamāshā dekhne 'afqar' masīhā-e-talab aayā

teri mahfil mein jo aaya ba-andaz-e-ajab aaya

koi laila-ada aaya koi majnun-laqab aaya

wo masjud-e-malaik kiswat-e-insan mein jab aaya

kabhi aadam-laqab aaya kabhi faKHr-e-arab aaya

zaban jab ho chuki thi band bimar-e-mohabbat ki

koi bahr-e-masihai agar aaya to kab aaya

nigah-e-be-niyazi se azal mein us ne jab dekha

tazalzul sar-zamin-e-dil mein ba-shor-o-shaghab aaya

yahi un se kaha tha hum gunahgar-e-mohabbat hain

qayamat ho gai barpa sitam TuTa ghazab aaya

teri mahfil ke aane-jaane wale saqiya dekhe

na koi ba-KHabar nikla na koi ba-adab aaya

main wo jaan-e-tapida tha ki meri saKHt-jaani ka

tamasha dekhne 'afqar' masiha-e-talab aaya