teri rah mein jo fana hue kahun kya jo un ka maqam hai

tirī raah meñ jo fanā hue kahūñ kyā jo un kā maqām hai

na ye āsmān hai na ye zamīñ na ye sub.h hai na ye shaam hai

tumheñ ilm kuchh jo ho ālimo to batā do mujh ko na chup raho

ki sharāb-e-ishq kā mast huuñ ye halāl hai ki harām hai

kabhī gird yaar ke ghūmnā kabhī dekh dekh ke jhūmnā

yahī hairatī kā hai mashġhala yahī dhun hai aur yahī kaam hai

kabhī sair-e-masjid-e-ishq kar to patā mile tujhe be-ḳhabar

jo imaam hai vahī muqtadī jo hai muqtadī vo imaam hai

kabhī gul meñ hai kabhī ḳhaar meñ kabhī barg meñ kabhī baar meñ

kabhī dair meñ kabhī arsh par kabhī rū-ba-rū sar-e-bām hai

kabhī justujū kabhī ġhaur hai ye namāz-e-ishq kā taur hai

na rukū hai na sujūd hai na qayām hai na salām hai

tujhe 'arsh' jis kī hai justujū jise DhūñDhtā hai tū kū-ba-kū

kabhī dil meñ hai vo ''chhupā huā kabhī rū-shanās-e-avām hai

teri rah mein jo fana hue kahun kya jo un ka maqam hai

na ye aasman hai na ye zamin na ye subh hai na ye sham hai

tumhein ilm kuchh jo ho aalimo to bata do mujh ko na chup raho

ki sharab-e-ishq ka mast hun ye halal hai ki haram hai

kabhi gird yar ke ghumna kabhi dekh dekh ke jhumna

yahi hairati ka hai mashghala yahi dhun hai aur yahi kaam hai

kabhi sair-e-masjid-e-ishq kar to pata mile tujhe be-KHabar

jo imam hai wahi muqtadi jo hai muqtadi wo imam hai

kabhi gul mein hai kabhi KHar mein kabhi barg mein kabhi bar mein

kabhi dair mein kabhi arsh par kabhi ru-ba-ru sar-e-baam hai

kabhi justuju kabhi ghaur hai ye namaz-e-ishq ka taur hai

na ruku hai na sujud hai na qayam hai na salam hai

tujhe 'arsh' jis ki hai justuju jise DhunDhta hai tu ku-ba-ku

kabhi dil mein hai wo chhupa hua kabhi ru-shanas-e-awam hai