Sufinama

tohmat-e-chand apne zimme dhar chale

Khwaja Meer Dard

tohmat-e-chand apne zimme dhar chale

Khwaja Meer Dard

MORE BY Khwaja Meer Dard

    tohmat-e-chand apne zimme dhar chale

    jis liye aa.e the so ham kar chale

    zindagī hai koī tūfān hai!

    ham to is jiine ke hāthoñ mar chale

    kyā hameñ kaam in guloñ se ai sabā

    ek dam aa.e idhar, ūdhar chale

    dosto! dekhā tamāshā yaañ sab

    tum raho ḳhush ham to apne ghar chale

    aah! bas mat jalā tab jāniye

    jab koī afsūñ tirā us par chale

    ek maiñ dil-rīsh huuñ vaisā dost

    zaḳhm kitnoñ ke sunā hai bhar chale

    sham.a ke mānind ham is bazm meñ

    chashm-tar aa.e the dāman-tar chale

    DhūñDhte haiñ aap se us ko pare

    shaiḳh sāhib chhoḌ ghar, bāhar chale

    ham na jaane paa.e bāhar aap se

    vo aaḌe aa gayā jīdhar chale

    ham jahāñ meñ aa.e the tanhā vale

    saath apne ab use le kar chale

    juuñ sharar ai hastī-e-be-būd yaañ

    baare ham bhī apnī baaī bhar chale

    sāqiyā! yaañ lag rahā hai chal-chalāv

    jab talak bas chal sake, sāġhar chale

    'dard' kuchh ma.alūm hai ye log sab

    kis taraf se aa.e the kīdhar chale

    tohmat-e-chand apne zimme dhar chale

    jis liye aae the so hum kar chale

    zindagī hai koī tūfān hai!

    hum to is jine ke hāthoñ mar chale

    kyā hameñ kaam in guloñ se ai sabā

    ek dam aae idhar, ūdhar chale

    dosto! dekhā tamāshā yañ sab

    tum raho ḳhush hum to apne ghar chale

    aah! bas mat jalā tab jāniye

    jab koī afsūñ tirā us par chale

    ek maiñ dil-rīsh huñ waisā dost

    zaḳhm kitnoñ ke sunā hai bhar chale

    shama ke mānind hum is bazm meñ

    chashm-tar aae the dāman-tar chale

    DhūñDhte haiñ aap se us ko pare

    shaiḳh sāhib chhoḌ ghar, bāhar chale

    hum na jaane pae bāhar aap se

    wo aaḌe aa gayā jīdhar chale

    hum jahāñ meñ aae the tanhā wale

    sath apne ab use le kar chale

    juñ sharar ai hastī-e-be-būd yañ

    bare hum bhī apnī baī bhar chale

    sāqiyā! yañ lag rahā hai chal-chalāw

    jab talak bas chal sake, sāġhar chale

    'dard' kuchh malūm hai ye log sab

    kis taraf se aae the kīdhar chale

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY