phuTa nasib mera hoti hai jag hansai

phūTā nasīb merā hotī hai jag hañsā.ī

maiñ vo huuñ jis ko duniyā bilkul na raas aa.ī

afsos hai bahut hī ke aaj is lahad meñ

daulat na kaam aa.ī shohrat na kaam aa.ī

sāñsoñ kī ab ye maalā hamdam na TuuT jaa.e

taḌpā rahī hai behad mujh ko tirī judā.ī

mere habīb aao mere tabīb aao

zaḳhm-e-jigar pe rakh do aa kar mere davā.ī

kar letā āshiqī se sach-much maiñ sachchī tauba

zulfoñ kī qaid se gar miltī mujhe rihā.ī

ġhairoñ kā kyā bharosa le saath apne tosha

mulk-e-adam ke raahī manzil qarīb aa.ī

aañsū bahā rahā hai tanhā.iyoñ meñ 'ahmad'

jab se huī hai us ko dilbar se āshnā.ī

phuTa nasib mera hoti hai jag hansai

main wo hun jis ko duniya bilkul na ras aai

afsos hai bahut hi ke aaj is lahad mein

daulat na kaam aai shohrat na kaam aai

sanson ki ab ye mala hamdam na TuT jae

taDpa rahi hai behad mujh ko teri judai

mere habib aao mere tabib aao

zaKHm-e-jigar pe rakh do aa kar mere dawai

kar leta aashiqi se sach-much main sachchi tauba

zulfon ki qaid se gar milti mujhe rihai

ghairon ka kya bharosa le sath apne tosha

mulk-e-adam ke rahi manzil qarib aai

aansu baha raha hai tanhaiyon mein 'ahmad'

jab se hui hai us ko dilbar se aashnai