پھوٹا نصیب میرا ہوتی ہے جگ ہنسائی

پھوٹا نصیب میرا ہوتی ہے جگ ہنسائی

میں وہ ہوں جس کو دنیا بالکل نہ راس آئی

افسوس ہے بہت ہی کہ آج اس لحد میں

دولت نہ کام آئی شہرت نہ کام آئی

سانسوں کی اب یہ مالا ہمدم نہ ٹوٹ جائے

تڑپا رہی ہے بے حد مجھ کو تری جدائی

میرے حبیب آؤ میرے طبیب آؤ

زخم جگر پہ رکھ دو آ کر مرے دوائی

کر لیتا عاشقی سے سچ مچ میں سچی توبہ

زلفوں کی قید سے گر ملتی مجھے رہائی

غیروں کا کیا بھروسہ لے ساتھ اپنے توشہ

ملک عدم کے راہی منزل قریب آئی

آنسو بہا رہا ہے تنہائیوں میں احمدؔ

جب سے ہوئی ہے اس کو دلبر سے آشنائی