tumhin ko jaana tumhin ko samjhe tamam aalam se tang ho kar

tumhīñ ko jaanā tumhīñ ko samjhe tamām aalam se tañg ho kar

duī kā vahdat meñ daḳhl kaisā rahe hamesha akañg ho kar

nihāñ thā aanā ki ho na zāhir ayaañ thā jaanā ki sab hoñ bāhar

vo dil meñ aa.e umañg ho kar ga.e to chehre kā rañg ho kar

ġhazab hai insāñ dam-e-musībat kare jo insāñ se bevafā.ī

ki dekho chakkī kī paaT kaise baham haiñ gardish meñ sañg ho kar

na kor bātin ho ai barhaman zarā tū chashm-e-tamīz vā kar

ḳhudā kā banda butoñ ko sajda ḳhudā ḳhudā kar ḳhudā ḳhudā kar

jo uTh ke pahlū se anjuman meñ vo duur baiThe haiñ mujh se jā kar

taḌap ne dard-e-jigar ke dil ko paTak diyā hai uThā uThā kar

jo aañkh kholī to kuchh na dekhā sahar ko sunsān sab sarā thī

huā na ham-rāhiyoñ se itnā ki saath lete mujhe jagā kar

na bhuul is zindagī pe ġhāfil nahīñ hai kuchh e'tibār is kā

ki raah legī ye apnī ik din adam kā rasta tujhe batā kar

usī kā hai rañg yāsman meñ usī kī bū-bās nastaran meñ

jo khaḌke pattā bhī is chaman meñ ḳhayāl āvāz āshnā kar

balā hai hirs-o-havā-e-duniyā ki jis se chakkar meñ sab haiñ insāñ

kiyā pareshāñ in āñdhiyoñ ne tamām zarroñ ko ḳhaak uḌā kar

ye kis kī teġh-e-jafā kā yārab har ek dil par hai ro.ab ġhālib

hilāl kī hai ḳhamīda gardan sip.har chaltā hai sar jhukā kar

shabīh madd-e-nazar hai kis kī ki koī puurī nahīñ utartī

miTā diye sāne.a-e-azal ne hazāroñ naqshe banā banā kar

ho bazm-e-jānāñ meñ hashr barpā taḌap kā dil kī ye thā taqāzā

magar baḌī mushkiloñ se rokā adab ne zaanū dabā dabā kar

tumhin ko jaana tumhin ko samjhe tamam aalam se tang ho kar

dui ka wahdat mein daKHl kaisa rahe hamesha akang ho kar

nihan tha aana ki ho na zahir ayan tha jaana ki sab hon bahar

wo dil mein aae umang ho kar gae to chehre ka rang ho kar

ghazab hai insan dam-e-musibat kare jo insan se bewafai

ki dekho chakki ki paT kaise baham hain gardish mein sang ho kar

na kor baatin ho ai barhaman zara tu chashm-e-tamiz wa kar

KHuda ka banda buton ko sajda KHuda KHuda kar KHuda KHuda kar

jo uTh ke pahlu se anjuman mein wo dur baiThe hain mujh se ja kar

taDap ne dard-e-jigar ke dil ko paTak diya hai uTha uTha kar

jo aankh kholi to kuchh na dekha sahar ko sunsan sab sara thī

hua na ham-rahiyon se itna ki sath lete mujhe jaga kar

na bhul is zindagi pe ghafil nahin hai kuchh e'tibar is ka

ki rah legi ye apnī ek din adam ka rasta tujhe bata kar

usi ka hai rang yasman mein usi ki bu-bas nastaran mein

jo khaDke patta bhi is chaman mein KHayal aawaz aashna kar

bala hai hirs-o-hawa-e-duniya ki jis se chakkar mein sab hain insan

kiya pareshan in aandhiyon ne tamam zarron ko KHak uDa kar

ye kis ki tegh-e-jafa ka yarab har ek dil par hai roab ghaalib

hilal ki hai KHamida gardan siphar chalta hai sar jhuka kar

shabih madd-e-nazar hai kis ki ki koi puri nahin utarti

miTa diye sanea-e-azal ne hazaron naqshe bana bana kar

ho bazm-e-jaanan mein hashr barpa taDap ka dil ki ye tha taqaza

magar baDi mushkilon se roka adab ne zanu daba daba kar