aah bar-lab gham ba-dil nala ba-kaam aahi gaya

aah bar-lab ġham ba-dil naala ba-kām aahī gayā

zindagī ko maut banñe kā payām aahī gayā

ab jabīn-e-shauq ko sajdoñ se fursat hoga.ī

dil jahāñ jhuktā hai āḳhir vo maqām aahī gayā

baḌhte baḌhte āñso.oñ kī ḳhushk-sālī baḌh ga.ī

hichkiyoñ kī had meñ qalb tishna-kām aahī gayā

ishq kī ḳhud-dāriyoñ ne mujh ko baḳhshā vo maqām

jis jagah maġhrūr nazroñ kā salām aahī gayā

nau-urūsān-e-chaman ke dāman-e-gulrañg par

kaif baar ik abr-e-āhista ḳhirām aahī gayā

shādbāsh ai jazb-e-dil zauq-e-nazāra shādbāsh

tālib-e-bām-e-nazar husn tamām aahī gayā

hichkiyoñ meñ ho gayā gum nā-rasā.ī kā gila

rahbaro hastī ko manzil kā payām aahī gayā

dekh kar sharminda-e-takmīl tā'mīr-e-hayāt

kisht-o-ḳhūñ ko zad pe duniyā kā nizām aahī gayā

Dhalte Dhalte nuur ke sāñche meñ fitrat Dhal ga.ī

aate aate dard-e-dil insāñ ke kaam aahī gayā

mere naġhme guuñj uThe 'turfa' fazā-e-quds meñ

qudsiyoñ kī bazm meñ bhī merā naam aahī gayā

aah bar-lab gham ba-dil nala ba-kaam aahi gaya

zindagi ko maut banne ka payam aahi gaya

ab jabin-e-shauq ko sajdon se fursat hogai

dil jahan jhukta hai aaKHir wo maqam aahi gaya

baDhte baDhte aansoon ki KHushk-sali baDh gai

hichkiyon ki had mein qalb tishna-kaam aahi gaya

ishq ki KHud-dariyon ne mujh ko baKHsha wo maqam

jis jagah maghrur nazron ka salam aahi gaya

nau-urusan-e-chaman ke daman-e-gulrang par

kaif bar ek abr-e-ahista KHiram aahi gaya

shadbash ai jazb-e-dil zauq-e-nazara shadbash

talib-e-baam-e-nazar husn tamam aahi gaya

hichkiyon mein ho gaya gum na-rasai ka gila

rahbaro hasti ko manzil ka payam aahi gaya

dekh kar sharminda-e-takmil ta'mir-e-hayat

kisht-o-KHun ko zad pe duniya ka nizam aahi gaya

Dhalte Dhalte nur ke sanche mein fitrat Dhal gai

aate aate dard-e-dil insan ke kaam aahi gaya

mere naghme gunj uThe 'turfa' faza-e-quds mein

qudsiyon ki bazm mein bhi mera nam aahi gaya