umr bhar puja hai maine jis ko wo dar hai yahi

'umr bhar puujā hai maiñ ne jis ko vo dar hai yahī

but-kada merā yahī allāh kā ghar hai yahī

jhuk gayā dil ruuh ne sajda kiyā be-iḳhtiyār

jalva-gāh-e-dil-navāz-o-rūh-parvar hai yahī

kaT ga.iiñ hosh-o-ḳhirad kī beḌiyāñ aa kar yahāñ

markaz-e-jazb-o-junūñ allāhu-akbar hai yahī

zarre zarre se yahāñ ke aa rahī hai bū-e-dost

chhoḌ kar ghar ham jahāñ aa.e haiñ vo ghar hai yahī

jagmagā uTThe haiñ sharq-o-ġharb jis ke nuur se

mehr-e-'ālamatāb māh-e-nūr-e-gustar hai yahī

'umr bhar puja hai main ne jis ko wo dar hai yahi

but-kada mera yahi allah ka ghar hai yahi

jhuk gaya dil ruh ne sajda kiya be-iKHtiyar

jalwa-gah-e-dil-nawaz-o-ruh-parwar hai yahi

kaT gain hosh-o-KHirad ki beDiyan aa kar yahan

markaz-e-jazb-o-junun allahu-akbar hai yahi

zarre zarre se yahan ke aa rahi hai bu-e-dost

chhoD kar ghar hum jahan aae hain wo ghar hai yahi

jagmaga uTThe hain sharq-o-gharb jis ke nur se

mehr-e-'alamatab mah-e-nur-e-gustar hai yahi