un ka na tasawwur bhi karta jo ham-aghoshi

un kā na tasavvur bhī kartā jo ham-āġhoshī

hai hai shab-e-tanhā.ī kis tarah basar hotī

mahfil meñ jo tū aatā pahle kī tarah se phir

āñkhoñ meñ jagah terī ai nūr-e-nazar hotī

khiḌkī jo kabhī khultī phirte na tamāshā.ī

band aap ke kūche meñ har rāhguzar hotī

kyā aabrū aa jaatī motī kī laḌī bante

ashkoñ meñ agar ḳhushkī ai dīda-e-tar hotī

kis vāste ham dil ko chhātī se lagā rakhte

tasvīr bhalā us meñ terī na agar hotī

dil meñ bhī kahīñ aisā hī kuchh dard agar hotā

chhuTTī hī merī phir to ai dard-e-jigar hotī

daañt un ke jo khul paḌte ārā.ish-e-abrū meñ

talvār ke chhāoñ meñ bhī āb-e-guhar hotī

sunte haiñ gunahgāroñ kī aaj rihā.ī hai

'āsī' kī bhī baḳhshā.ish ai ḳhair-e-bashar hotī

un ka na tasawwur bhi karta jo ham-aghoshi

hai hai shab-e-tanhai kis tarah basar hoti

mahfil mein jo tu aata pahle ki tarah se phir

aankhon mein jagah teri ai nur-e-nazar hoti

khiDki jo kabhi khulti phirte na tamashai

band aap ke kuche mein har rahguzar hoti

kya aabru aa jati moti ki laDi bante

ashkon mein agar KHushki ai dida-e-tar hoti

kis waste hum dil ko chhati se laga rakhte

taswir bhala us mein teri na agar hoti

dil mein bhi kahin aisa hi kuchh dard agar hota

chhuTTi hi meri phir to ai dard-e-jigar hoti

dant un ke jo khul paDte aaraish-e-abru mein

talwar ke chhaon mein bhi aab-e-guhar hoti

sunte hain gunahgaron ki aaj rihai hai

'asi' ki bhi baKHshaish ai KHair-e-bashar hoti