unki nazron ne aisa mara hai

un kī nazroñ ne aisā maarā hai

chāk-dāman hai dil do paarā hai

raaz dil kī lagī ne kholā ye

ishq shabnam nahīñ sharārā hai

terī furqat meñ terī chāhat meñ

maiñ ne har dam tujhe pukārā hai

tiir khā kar bhī muskurāo tum

un ke ġhamze kā ye ishāra hai

sar kaTāte haiñ jaañ luTāte haiñ

vaah kyā husn ye tumhārā hai

ruḳh kī rañgat bhī ek aafat hai

terī qāmat qiyāmat-ārā hai

saañs aatī hai aur na jaatī hai

tīr-e-mizhgāñ ne aisā maarā hai

tere dīdār par ye dil bolā

vaah kyā ḳhuub ye nazāra hai

un kī sūrat pe sadqe jān-o-dil

vo parī-vash to ik bahārā hai

ye haqīqat hai ishq meñ sun lo

us meñ jiitā vahī jo haarā hai

naam un kā hamesha lete raho

dard-e-dil kā asar ye chāra hai

un ki nazron ne aisa mara hai

chaak-daman hai dil do para hai

raaz dil ki lagi ne khola ye

ishq shabnam nahin sharara hai

teri furqat mein teri chahat mein

main ne har dam tujhe pukara hai

tir kha kar bhi muskurao tum

un ke ghamze ka ye ishaara hai

sar kaTate hain jaan luTate hain

wah kya husn ye tumhaara hai

ruKH ki rangat bhi ek aafat hai

teri qamat qiyamat-ara hai

sans aati hai aur na jati hai

tir-e-mizhgan ne aisa mara hai

tere didar par ye dil bola

wah kya KHub ye nazara hai

un ki surat pe sadqe jaan-o-dil

wo pari-wash to ek bahaara hai

ye haqiqat hai ishq mein sun lo

us mein jita wahi jo haara hai

nam un ka hamesha lete raho

dard-e-dil ka asar ye chaara hai