agar hain mohabbat mein kaamil hamin hain

agar haiñ mohabbat meñ kāmil hamīñ haiñ

ki sar tā-qadam 'ishq meñ dil hamīñ haiñ

hamīñ haiñ hamīñ zīnat-e-bazm-e-'ālam

hamīñ haiñ tirī sham.a-e-mahfil hamīñ haiñ

hamīñ meñ haiñ rāheñ vajūd-o-’adam kī

fanā aur baqā kī manāzil hamīñ haiñ

na hairat hai ham ko na jalva kisī kā

hamīñ ā.īna haiñ muqābil hamīñ haiñ

khulā jab gire thak ke ham chalte-chalte

hamīñ dasht-e-ġhurbat haiñ manzil hamīñ haiñ

jo ho darmiyāñ koī parda uThā.ūñ

ġhazab ye paḌā hai ki haa.il hamīñ haiñ

hamīñ par to sīkhā hai ḳhanjar lagānā

hamīñ se ho kahte ki qātil hamīñ haiñ

bahut haiñ tire yuuñ to dam bharne vaale

tire naaz uThāne ke qaa.il hamīñ haiñ

talab-gār-e-jannat bahut haiñ jahāñ meñ

tujhe tujh se māñgeñ vo saa.el hamīñ haiñ

na bhūlegā tū aur na bhūlā kisī ko

ḳhatā hai hamārī ki ġhāfil hamīñ haiñ

dikhāte ho kyā jām-e-sahbā meñ ham ko

chhalakte har ik mai haiñ maa.il hamīñ haiñ

agar hain mohabbat mein kaamil hamin hain

ki sar ta-qadam 'ishq mein dil hamin hain

hamin hain hamin zinat-e-bazm-e-'alam

hamin hain teri shama-e-mahfil hamin hain

hamin mein hain rahen wajud-o-’adam ki

fana aur baqa ki manazil hamin hain

na hairat hai hum ko na jalwa kisi ka

hamin aaina hain muqabil hamin hain

khula jab gire thak ke hum chalte-chalte

hamin dasht-e-ghurbat hain manzil hamin hain

jo ho darmiyan koi parda uThaun

ghazab ye paDa hai ki hail hamin hain

hamin par to sikha hai KHanjar lagana

hamin se ho kahte ki qatil hamin hain

bahut hain tere yun to dam bharne wale

tere naz uThane ke qail hamin hain

talab-gar-e-jannat bahut hain jahan mein

tujhe tujh se mangen wo sael hamin hain

na bhulega tu aur na bhula kisi ko

KHata hai hamari ki ghafil hamin hain

dikhate ho kya jam-e-sahba mein hum ko

chhalakte har ek mai hain mail hamin hain