پیرِ مغان نے جب سے وحدت کی مے پلائی

پیرِ مغان نے جب سے وحدت کی مے پلائی

ذوقِ فنا نے آکر کیا بے خودی دکھائی

فی المعنیٰ گر نہیں ہے ہم رنگ تیرا دم

اپنی سی صورت اس کی پھر کس لئے بنائی

ما اعظم وہاں ہے اور یاں ہے ماعرفنا

وہ اس کا حوصلہ ہے یہ اس کی ہے رسائی

کہلایا گہہ احد تو گہہ بن کے احمد آیا

جو کچھ کہے سو سچ ہے اچھی تری بن آئی

دیکھا جو فی الحقیقت جز اُس کی کچھ نہ دیکھا

ہر شے بچشمِ عرفاں لا شے نظر میں آئی

بتلایا نحن اقرب مرشد نے جیسے ہم کو

تب اینما تکونوا ہر سو دیا دکھائی

وحت کے میکدہ میں پی کر خم حقیقت

توڑا جو جامِ ہستی حاصل ہوئی رہائی

اسرارِ لامکاں کے مت کر خلیلؔ ظاہر

جو بات منہ سے نکلی کوٹھوں منڈیروں آئی