pir-e-mughan ne jab se wahdat ki mai pilai

pīr-e-muġhāñ ne jab se vahdat kī mai pilā.ī

zauq-e-fanā ne aakar kyā be-ḳhudī dikhā.ī

fil-mā’nī gar nahīñ hai ham-rañg terā dam

apnī sī sūrat us kī phir kis liye banā.ī

mā-ā'zam vahāñ hai aur yahāñ hai mā-’arafnā

vo us kā hausla hai ye us kī hai rasā.ī

kahlāyā gah ahad to gah ban ke ahmad aayā

jo kuchh kahe sau sach hai achchhī tirī ban aa.ī

dekhā jo fil-haqīqat juz us kī kuchh na dekhā

har shai ba-chashm-e-’irfāñ lā-shai nazar meñ aa.ī

batlāyā nahno-aqrab murshid ne jaise ham ko

tab ainamā-takūnū har sū diyā dikhā.ī

vahdat ke mai-kada meñ pī kar kHum-e-haqīqat

toḌā jo jām-e-hastī hāsil huī rihā.ī

asrār lā-makāñ ke mat kar 'ḳhalīl' zāhir

jo baat muñh se niklī koThoñ muñDeroñ aa.ī

pir-e-mughan ne jab se wahdat ki mai pilai

zauq-e-fana ne aakar kya be-KHudi dikhai

fil-ma’ni gar nahin hai ham-rang tera dam

apni si surat us ki phir kis liye banai

ma-a'zam wahan hai aur yahan hai ma-’arafna

wo us ka hausla hai ye us ki hai rasai

kahlaya gah ahad to gah ban ke ahmad aaya

jo kuchh kahe sau sach hai achchhi teri ban aai

dekha jo fil-haqiqat juz us ki kuchh na dekha

har shai ba-chashm-e-’irfan la-shai nazar mein aai

batlaya nahno-aqrab murshid ne jaise hum ko

tab ainama-takunu har su diya dikhai

wahdat ke mai-kada mein pi kar kHum-e-haqiqat

toDa jo jam-e-hasti hasil hui rihai

asrar la-makan ke mat kar 'KHalil' zahir

jo baat munh se nikli koThon munDeron aai