hatha-pai hui zid baDh gai jhagDa nikla

hāthā-pā.ī huī zid baḌh ga.ī jhagḌā niklā

ye huā vasl ye armān mire dil kā niklā

du'ā maqbūl huī hausla dil kā niklā

marne vaale kā tumhār vo janāza niklā

kis kī rusvā.ī kā Dar thā ki jo muñh se shab-e-ġham

aah ruktī huī thamtā huā naalā niklā

be-qarārī kā asar vasl meñ bhī kam na huā

dil se armāñ jo niklā vo taḌaptā niklā

sī diye hoñT dam-e-naz.a but-e-kāfir ne

ik zarā naam zabāñ se na ḳhudā kā niklā

dil pe sadme bhī hue 'ishq meñ iizā bhī rahī

aaj ye kyā hai ki jaatā hai kalejā niklā

dil kī chorī ke bahāne jo TaTolī mahram

bole bas DhūñD liyā terā kalejā niklā

'shauq' ham kis kī qiyāmat meñ shikāyat karte

naam hī muñh se na us parda-nashīñ kā niklā

hatha-pai hui zid baDh gai jhagDa nikla

ye hua wasl ye arman mere dil ka nikla

du'a maqbul hui hausla dil ka nikla

marne wale ka tumhaar wo janaza nikla

kis ki ruswai ka Dar tha ki jo munh se shab-e-gham

aah rukti hui thamta hua nala nikla

be-qarari ka asar wasl mein bhi kam na hua

dil se arman jo nikla wo taDapta nikla

si diye honT dam-e-naza but-e-kafir ne

ek zara nam zaban se na KHuda ka nikla

dil pe sadme bhi hue 'ishq mein iza bhi rahi

aaj ye kya hai ki jata hai kaleja nikla

dil ki chori ke bahane jo TaToli mahram

bole bas DhunD liya tera kaleja nikla

'shauq' hum kis ki qiyamat mein shikayat karte

nam hi munh se na us parda-nashin ka nikla