garmiyan aapne kin wasl ke inkaron par

garmiyāñ aap ne kiiñ vasl ke inkāroñ par

bātoñ-bātoñ meñ liTāyā mujhe añgāroñ par

abhī iqrār na inkār hai kuchh bosoñ kā

paḌ ga.e niil tire phuul se ruḳhsāroñ par

mujh par abrū bhī khīñchī hilne lagīñ palkeñ bhī

tiir maare sitam-ījād ne talvāroñ par

beḌiyoñ kī hai na chhankār na ġhul nāloñ kā

kuchh na kuchh ban ga.ī zindāñ kī giraftāroñ par

muskurātā huā aatā hai vo yūsuf shāyad

bijliyāñ kauñdtī phirtī haiñ ḳharīdāroñ par

nāma-bar chāhne vāloñ ke chale aate haiñ

roz utarte haiñ kabūtar tirī dīvāroñ par

khol do daftar-e-a’amāl ko tum bhī 'mohsin'

abr-e-rahmat umañD aayā hai gunahgāroñ par

garmiyan aap ne kin wasl ke inkaron par

baaton-baaton mein liTaya mujhe angaron par

abhi iqrar na inkar hai kuchh boson ka

paD gae nil tere phul se ruKHsaron par

mujh par abru bhi khinchi hilne lagin palken bhi

tir mare sitam-ijad ne talwaron par

beDiyon ki hai na chhankar na ghul nalon ka

kuchh na kuchh ban gai zindan ki giraftaron par

muskuraata hua aata hai wo yusuf shayad

bijliyan kaundti phirti hain KHaridaron par

nama-bar chahne walon ke chale aate hain

roz utarte hain kabutar teri diwaron par

khol do daftar-e-a’amal ko tum bhi 'mohsin'

abr-e-rahmat umanD aaya hai gunahgaron par