chakha de chashni sharbat-e-didar thoDi si

chakhā de chāshnī sharbat-e-dīdār thoḌī sī

dam-e-āḳhir to kar le ḳhātir-e-bīmār thoḌī sī

taġhāful sar jhukāne meñ kiyā kab maiñ ne o qātil

nikal kar rah ga.ī kyuuñ miyān se talvār thoḌī sī

ajal tū Thahar jā dam-bhar zarā to dekh lene de

abhī baaqī hai dil meñ hasrat-e-dīdār thoḌī sī

tamannā hai yahī dil kī banā.eñ qabr ham apnī

jo mil jaa.e zamīn-e-kūcha-e-dil-dār thoḌī sī

tumheñ fursat mile gar ġhair kī bātoñ ke sunñe se

hamāre ’arz bhī sun lījiye sarkār thoḌī sī

chakha de chashni sharbat-e-didar thoDi si

dam-e-aKHir to kar le KHatir-e-bimar thoDi si

taghaful sar jhukane mein kiya kab main ne o qatil

nikal kar rah gai kyun miyan se talwar thoDi si

ajal tu Thahar ja dam-bhar zara to dekh lene de

abhi baqi hai dil mein hasrat-e-didar thoDi si

tamanna hai yahi dil ki banaen qabr hum apni

jo mil jae zamin-e-kucha-e-dil-dar thoDi si

tumhein fursat mile gar ghair ki baaton ke sunne se

hamare ’arz bhi sun lijiye sarkar thoDi si