aao pahlu mein mere tumko KHatar kis ka hai

aao pahlū meñ mire tum ko ḳhatar kis kā hai

ḳhauf tum ko mirī jaañ shām-o-sahar kis kā hai

ġhair se hoyeñge vāsil ki mileñge mujh se

vasl pūchho unheñ manzūr-e-nazar kis kā hai

mere qātil ne mire sar ko judā kar ke kahā

nīm-bismil jo taḌaptā hai ye sar kis kā hai

jis ke kūcha meñ kabhī ḳhauf se yūsuf na ga.e

phir batāo to bhalā vaañ pe guzar kis kā hai

ka.abe meñ aap kā maskan thā ye maanā ai 'azīz

aur kalīse meñ makāñ rashk-e-qamar kis kā hai

aao pahlu mein mere tum ko KHatar kis ka hai

KHauf tum ko meri jaan sham-o-sahar kis ka hai

ghair se hoyenge wasil ki milenge mujh se

wasl puchho unhen manzur-e-nazar kis ka hai

mere qatil ne mere sar ko juda kar ke kaha

nim-bismil jo taDapta hai ye sar kis ka hai

jis ke kucha mein kabhi KHauf se yusuf na gae

phir batao to bhala wan pe guzar kis ka hai

kabe mein aap ka maskan tha ye mana ai 'aziz

aur kalise mein makan rashk-e-qamar kis ka hai