raaten meri mahkao pahle ki tarah phir se
rāteñ mirī mahkāo pahle kī tarah phir se
ḳhvāboñ meñ chale aao pahle kī tarah phir se
tanhā mujhe paayā to duniyā ne rulāyā hai
tum aa ke hañsā jaao pahle kī tarah phir se
tum bazm kī raunaq the tum bazm kī raunaq ho
mahfil meñ chale aav pahle kī tarah phir se
no baar bulāne kā bas ek hī maqsad hai
mahbūb chale aao pahle kī tarah phir se
muddat meñ mile ho to ab duurī miTā Daalo
tum mujh meñ samā jaao pahle kī tarah phir se
tum bhī nahīñ badle ho ham bhī nahīñ badle haiñ
'usmān' chale aao pahle kī tarah phir se
raaten meri mahkao pahle ki tarah phir se
KHwabon mein chale aao pahle ki tarah phir se
tanha mujhe paya to duniya ne rulaya hai
tum aa ke hansa jao pahle ki tarah phir se
tum bazm ki raunaq the tum bazm ki raunaq ho
mahfil mein chale aaw pahle ki tarah phir se
no bar bulane ka bas ek hi maqsad hai
mahbub chale aao pahle ki tarah phir se
muddat mein mile ho to ab duri miTa Dalo
tum mujh mein sama jao pahle ki tarah phir se
tum bhi nahin badle ho hum bhi nahin badle hain
'usman' chale aao pahle ki tarah phir se
- Book : Sukhanwaran-e-Izzat (Pg. 445)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
