راتیں مری مہکاؤ پہلے کی طرح پھر سے

راتیں مری مہکاؤ پہلے کی طرح پھر سے

خوابوں میں چلے آؤ پہلے کی طرح پھر سے

تنہا مجھے پایا تو دنیا نے رلایا ہے

تم آ کے ہنسا جاؤ پہلے کی طرح پھر سے

تم بزم کی رونق تھے تم بزم کی رونق ہو

محفل میں چلے آو پہلے کی طرح پھر سے

نو بار بلانے کا بس ایک ہی مقصد ہے

محبوب چلے آؤ پہلے کی طرح پھر سے

مدت میں ملے ہو تو اب دوری مٹا ڈالو

تم مجھ میں سما جاؤ پہلے کی طرح پھر سے

تم بھی نہیں بدلے ہو ہم بھی نہیں بدلے ہیں

عثمانؔ چلے آؤ پہلے کی طرح پھر سے