wahi raftar ho jaana wahi guftar ho jaana

vahī raftār ho jaanā vahī guftār ho jaanā

kamāl-e-ishq hai timsāl-e-husn-e-yār ho jaanā

mirā sheva hai apnī aarzū meñ dekh kar un ko

har ik jalve pe mamnūn-e-dil-e-bīmār ho jaanā

ḳhayāl aayā ki dil siine ke andar ho gayā bismil

ye kis ne husn ko sikhlā diyā talvār ho jaanā

uḌā degā tamāmī parda-hā-e-rāz ke TukḌe

ġhazab hai mai-kash-e-asrār kā hushyār ho jaanā

sukūn aane lagā hai phir mirī duniyā-e-muztar meñ

zarā betāb kun phir ai ġham-e-dīdār ho jaanā

'nushūr'-e-vāhidī kī tab.a-e-rañgīñ ai ma.āz-allāh

zamāna chhoḌ kar āvāra-e-gulzār ho jaanā

wahi raftar ho jaana wahi guftar ho jaana

kamal-e-ishq hai timsal-e-husn-e-yar ho jaana

mera shewa hai apni aarzu mein dekh kar un ko

har ek jalwe pe mamnun-e-dil-e-bimar ho jaana

KHayal aaya ki dil sine ke andar ho gaya bismil

ye kis ne husn ko sikhla diya talwar ho jaana

uDa dega tamami parda-ha-e-raaz ke TukDe

ghazab hai mai-kash-e-asrar ka hushyar ho jaana

sukun aane laga hai phir meri duniya-e-muztar mein

zara betab kun phir ai gham-e-didar ho jaana

'nushur'-e-wahidi ki taba-e-rangin ai maaz-allah

zamana chhoD kar aawara-e-gulzar ho jaana