wasl ke din hum ko apnī hi KHabar jati rahi

vasl ke din ham ko apnī hī ḳhabar jaatī rahī

jān-o-tan meñ sūrat-e-jānāñ nazar aatī rahī

sar ko siina par hamāre the dhare vo ek din

bū-e-mushkīñ zulf-e-jānāñ umr-bhar aatī rahī

shorish-e-ulfat meñ ham ko ho gayā dīvāna-pan

go sabā paiġhām-e-vaslat har sahar laatī rahī

go hue furqat kabhī to kyā jamāl-e-yār se

dam-ba-dam un kī mohabbat dil meñ ghar paatī rahī

tum ko ulfat gar hai un kī un ko tum se beshtar

ye qasam mashshāta ham se aan kar khātī rahī

mehr-o-ulfat jab huī kam tab vo aa.e mahr par

kab rahī qīmat vo jab tāb-e-gohr jaatī rahī

vo rahe ḳhush ham se 'mardāñ' aur kabhī nā-ḳhush rahe

dil meñ ham ko har adā un kī magar bhātī rahī

wasl ke din hum ko apnī hi KHabar jati rahi

jaan-o-tan mein surat-e-jaanan nazar aati rahi

sar ko sina par hamare the dhare wo ek din

bu-e-mushkin zulf-e-jaanan umr-bhar aati rahi

shorish-e-ulfat mein hum ko ho gaya diwana-pan

go saba paigham-e-waslat har sahar lati rahi

go hue furqat kabhi to kya jamal-e-yar se

dam-ba-dam un ki mohabbat dil mein ghar pati rahi

tum ko ulfat gar hai un ki un ko tum se beshtar

ye qasam mashshata hum se aan kar khati rahi

mehr-o-ulfat jab hui kam tab wo aae mahr par

kab rahi qimat wo jab tab-e-gohr jati rahi

wo rahe KHush hum se 'mardan' aur kabhi na-KHush rahe

dil mein hum ko har ada un ki magar bhati rahi