viran aur husn ka manzar liye hue

vīrān aur husn kā manzar liye hue

allāh re dil-e-taḳhayyul dilbar liye hue

maiñ lutf uThā rahā huuñ dil-o-dil-navāz kā

ā.īna āftāb ke ruḳh par liye hue

kitnoñ ko hosh tak na rahā apne aap kā

guzre jo aap zulf-e-mo.ambar liye hue

ḳhud pī leñ yā pilā deñ kisī tishna-kām ko

kyā dekhte haiñ haath meñ sāġhar liye hue

ḳhāk-e-lahad meñ so.eñge ye fitna-gar to kyā

uTheñge phir ye fitna-e-mahshr liye hue

ye mutribān-e-bazm to kuchh rāz-e-dil 'nashvar'

haiñ parda rabāb ke andar liye hue

viran aur husn ka manzar liye hue

allah re dil-e-taKHayyul dilbar liye hue

main lutf uTha raha hun dil-o-dil-nawaz ka

aaina aaftab ke ruKH par liye hue

kitnon ko hosh tak na raha apne aap ka

guzre jo aap zulf-e-moambar liye hue

KHud pi len ya pila den kisi tishna-kaam ko

kya dekhte hain hath mein saghar liye hue

KHak-e-lahad mein soenge ye fitna-gar to kya

uThenge phir ye fitna-e-mahshr liye hue

ye mutriban-e-bazm to kuchh raaz-e-dil 'nashwar'

hain parda rabab ke andar liye hue