wo bhi waqt aaya tha jab wo zeb-e-fraaz-e-baam hue

vo bhī vaqt aayā thā jab vo zeb-e-frāz-e-bām hue

lekin tāb-e-dīd kise thī ahl-e-nazar nākām hue

rafta rafta josh-e-junūn-e-ishq hameñ raas aa hī gayā

har lamha taskīn-e-dil ko un ke jalve aam hue

un kā kaif hai un kī mastī un kī hastī rashk-e-jahāñ

saaqī kī āñkhoñ se mayassar jin rindoñ ko jaam ho.e

vo āñkheñ vo zulfeñ vo ruḳh vo ġhamze vo nāz-o-adā

kis ne asīr-e-dām kiyā ham ḳhud hī asīr-e-dām hue

ham haiñ sarāpā ishq-o-mohabbat ham haiñ amīn-e-rāz-e-vafā

roz-e-azal se apnā muqaddar dard-o-ġham-o-ālām hue

mujh ko miTāne meñ ai 'sādiq' duniyā to sar-garm rahī

lekin un kī yaad ke lamhe jiine kā paiġhām ho.e

wo bhi waqt aaya tha jab wo zeb-e-fraaz-e-baam hue

lekin tab-e-did kise thi ahl-e-nazar nakaam hue

rafta rafta josh-e-junun-e-ishq hamein ras aa hi gaya

har lamha taskin-e-dil ko un ke jalwe aam hue

un ka kaif hai un ki masti un ki hasti rashk-e-jahan

saqi ki aankhon se mayassar jin rindon ko jam hoe

wo aankhen wo zulfen wo ruKH wo ghamze wo naz-o-ada

kis ne asir-e-dam kiya hum KHud hi asir-e-dam hue

hum hain sarapa ishq-o-mohabbat hum hain amin-e-raaz-e-wafa

roz-e-azal se apna muqaddar dard-o-gham-o-alam hue

mujh ko miTane mein ai 'sadiq' duniya to sar-garm rahi

lekin un ki yaad ke lamhe jine ka paigham hoe