har shajar KHamida hai miT chuki samaat hai

har shajar ḳhamīda hai miT chukī samā.at hai

us nafī ke jañgal meñ ḳhushbū hī alāmat hai

be-amal haiñ bad-tar haiñ phir bhī jī rahe haiñ ham

ai ḳhudā tirī ham par kis qadar ināyat hai

chand ḳhushk tinkoñ kī kyā bisāt hotī hai

āshiyāñ kī ye raunaq barq kī badaulat hai

kaam aisā kar jaa.eñ mar ke bhī raheñ zinda

be-sabab to jiinā bhī sar-basar himāqat hai

apnī zaat se haT kar bhī kabhī kabhī dekheñ

auroñ ke liye jiinā ik baḌī sa.ādat hai

yaad jab bhī vo aa.eñ ḳhud ko bhūltā jā۔ūñ

haañ magar unheñ mujh se ishq hai na raġhbat hai

Daal dī haiñ buniyādeñ har jagah nasheman kī

ham meñ azm se baḌh kar sarvat-o-’vajāhat’ hai

har shajar KHamida hai miT chuki samaat hai

us nafi ke jangal mein KHushbu hi alamat hai

be-amal hain bad-tar hain phir bhi ji rahe hain hum

ai KHuda teri hum par kis qadar inayat hai

chand KHushk tinkon ki kya bisat hoti hai

aashiyan ki ye raunaq barq ki badaulat hai

kaam aisa kar jaen mar ke bhi rahen zinda

be-sabab to jina bhi sar-basar himaqat hai

apni zat se haT kar bhi kabhi kabhi dekhen

auron ke liye jina ek baDi saadat hai

yaad jab bhi wo aaen KHud ko bhulta ja۔un

han magar unhen mujh se ishq hai na raghbat hai

Dal di hain buniyaaden har jagah nasheman ki

hum mein azm se baDh kar sarwat-o-’wajahat’ hai