ہر شجر خمیدہ ہے مٹ چکی سماعت ہے

ہر شجر خمیدہ ہے مٹ چکی سماعت ہے

اس نفی کے جنگل میں خوشبو ہی علامت ہے

بے عمل ہیں یہ ہیں پھر بھی جی رہے ہیں ہم

اے خدا تری ہم پر کس قدر عنایت ہے

چند خشک تنکوں کی کیا بساط ہوتی ہے

آشیاں کی یہ رونق برق کی بدولت ہے

کام ایسا کر جائیں مر کے بھی رہیں زندہ

بے سبب تو جینا بھی سربسر حماقت ہے

اپنی ذات سے ہٹ کر بھی کبھی کبھی دیکھیں

اوروں کے لیے جینا اک بڑی سعادت ہے

یاد جب بھی وہ آئیں خود کو بھولتا جاؤں

ہاں مگر انہیں مجھ سے عشق ہے نہ رغبت ہے

ڈال دی ہیں بنیادیں ہر جگہ نشیمن کی

ہم میں عزم سے بڑھ کر ثروت و وجاہتؔ ہے