nazar be-nur hai dil be-zaban hai

nazar be-nūr hai dil be-zabāñ hai

ujālā zulmat-e-shab meñ nihāñ hai

ye kaisī āzmā.ish hai ḳhudāyā

mire dil kā ye kaisā imtihāñ hai

na jaane kis ghaḌī uThe vo tūfāñ

jo mere chashm-o-dil ke darmiyāñ hai

Darā ai gardish-e-daurāñ na mujh ko

ki merā hausla ab bhī javāñ hai

musalsal baḌh rahī hai be-qarārī

tū ai vaj.h-e-sukūn-e-dil kahāñ hai

mire hālāt kyā pūchho ho mujh se

mire chehre se sab kuchh to ayaañ hai

karūñ tausīf us kī kaise 'dā.em'

vo apne aap meñ ik āsmāñ hai

nazar be-nur hai dil be-zaban hai

ujala zulmat-e-shab mein nihan hai

ye kaisi aazmaish hai KHudaya

mere dil ka ye kaisa imtihan hai

na jaane kis ghaDi uThe wo tufan

jo mere chashm-o-dil ke darmiyan hai

Dara ai gardish-e-dauran na mujh ko

ki mera hausla ab bhi jawan hai

musalsal baDh rahi hai be-qarari

tu ai wajh-e-sukun-e-dil kahan hai

mere haalat kya puchho ho mujh se

mere chehre se sab kuchh to ayan hai

karun tausif us ki kaise 'daem'

wo apne aap mein ek aasman hai