hai aks-e-dagh dil ka mere mahtab mein

hai 'aks-e-dāġh dil kā mere māhtāb meñ

ye mere soz kī hai tapish āftāb meñ

ham raat dekh zulf-e-pareshāñ ko ḳhvāb meñ

samjhe ki din kaTegā mirā iztirāb meñ

abrū-e-yār matla-e’-avval hai jis ko dekh

matl.a kahe haiñ yāroñ ne us ke javāb meñ

ḳhūn-e-dil aur laḳht-e-jigar meñ hai jo mazā

vo zā.iqa kahāñ hai sharāb-o-kabāb meñ

uljhāv dil kā zulfoñ meñ jī kā vabāl thā

yā-rab phañsā ke dil ko paḌe kis 'azāb meñ

be-tere zulf-o-ruḳh ke 'vasī' kī hai ye ma.āsh

guzre hai din 'azāb meñ shab-e-iztirāb meñ

hai 'aks-e-dagh dil ka mere mahtab mein

ye mere soz ki hai tapish aaftab mein

hum raat dekh zulf-e-pareshan ko KHwab mein

samjhe ki din kaTega mera iztirab mein

abru-e-yar matla-e’-awwal hai jis ko dekh

matla kahe hain yaron ne us ke jawab mein

KHun-e-dil aur laKHt-e-jigar mein hai jo maza

wo zaiqa kahan hai sharab-o-kabab mein

uljhaw dil ka zulfon mein ji ka wabaal tha

ya-rab phansa ke dil ko paDe kis 'azab mein

be-tere zulf-o-ruKH ke 'wasi' ki hai ye maash

guzre hai din 'azab mein shab-e-iztirab mein