ya rab us gul se sada dast-e-KHizan dur rahe

yā rab us gul se sadā dast-e-ḳhizāñ duur rahe

rañg-o-bū-e-chaman-e-husn ba-dastūr rahe

zaḳhm-e-dil taaza hai aur dast-e-junūñ hai chālāk

kis tarah us meñ lagā marham-e-kāfūr rahe

dard-kash maiñ bhī huuñ ek jaam mile pīr-e-muġhāñ

faiz se tere sadā mai-kada ma.amūr rahe

mohtasib haif hai is sañg-dilī par terī

kab talak shīsha-e-mai jām-o-subū chuur rahe

sāqiyā terī ye majlis rahe ābād sadā

koī sarshār rahe aur koī maḳhmūr rahe

kis qadar raat rahā dard-e-jigar kulfat-e-ġham

chāñdnī raat thī par sair se majbūr rahe

dāġh-e-dil sham.a-namat siina meñ raushan hī rahe

qabr bhī merī isī daaġh se pur-nūr rahe

ḳhaak meñ bhī na milā chain tere dil ko 'vasī'

be-qarārāna jo tum tā-ba-lab-e-gor rahe

ya rab us gul se sada dast-e-KHizan dur rahe

rang-o-bu-e-chaman-e-husn ba-dastur rahe

zaKHm-e-dil taza hai aur dast-e-junun hai chaalak

kis tarah us mein laga marham-e-kafur rahe

dard-kash main bhi hun ek jam mile pir-e-mughan

faiz se tere sada mai-kada mamur rahe

mohtasib haif hai is sang-dili par teri

kab talak shisha-e-mai jam-o-subu chur rahe

saqiya teri ye majlis rahe aabaad sada

koi sarshaar rahe aur koi maKHmur rahe

kis qadar raat raha dard-e-jigar kulfat-e-gham

chandni raat thi par sair se majbur rahe

dagh-e-dil shama-namat sina mein raushan hi rahe

qabr bhi meri isi dagh se pur-nur rahe

KHak mein bhi na mila chain tere dil ko 'wasi'

be-qararana jo tum ta-ba-lab-e-gor rahe