yaro ye sab baat ki ek baat hai asl-ul-usul

yaaro ye sab baat kī ik baat hai asl-ul-usūl

yaad meñ is kī raho aise ki sab ko jaao bhuul

nafs-o-shaitāñ kī itā.at meñ zalālat hai husūl

taabe amr-e-kHudā ho pasrav-e-hukm-e-rasūl

jo ḳhudā ke log haiñ un se milo ḳhidmat karo

is se behtar koī nahīñ bahar-e-ḳhudā rāh-e-vusūl

bār-e-ḳhātir hoke sohbat meñ kisī ke rahiye mat

balki yuuñ rahiye ki jaise paanī par utar aa.e phuul

daf’-e-īzā jis qadar ho aap se karte raho

duur kar do gar paḌā ho raah meñ kHār-e-babūl

avval-o-āḳhir 'turāb' us kā hamārā saath hai

jo hamārā yaar hai jis ko kiyā ham ne qubūl

yaro ye sab baat ki ek baat hai asl-ul-usul

yaad mein is ki raho aise ki sab ko jao bhul

nafs-o-shaitan ki itaat mein zalalat hai husul

tabe amr-e-kHuda ho pasraw-e-hukm-e-rasul

jo KHuda ke log hain un se milo KHidmat karo

is se behtar koi nahin bahar-e-KHuda rah-e-wusul

bar-e-KHatir hoke sohbat mein kisi ke rahiye mat

balki yun rahiye ki jaise pani par utar aae phul

daf’-e-iza jis qadar ho aap se karte raho

dur kar do gar paDa ho rah mein kHar-e-babul

awwal-o-aKHir 'turab' us ka hamara sath hai

jo hamara yar hai jis ko kiya hum ne qubul