yaksan hai mera dil haram-o-dair mein KHursand

yaksāñ hai mirā dil haram-o-dair meñ ḳhursand

ḳhud apnā hī banda huuñ maiñ ḳhud apnā ḳhudāvand

haañ chheḌ de mutrib mirī hastī kā tarāna

maiñ husn kā markaz huuñ dil-e-ishq kī saugand

vo ishq nahīñ huuñ ki ho aahoñ meñ muqayyad

vo husn nahīñ huuñ ki ho jalvoñ meñ nazar-band

huuñ lāla-e-sahrā kī tarah ḳhānumāñ bar-dosh

vo sarv nahīñ jo kisī gulshan kā ho pāband

behosh ke hushiyār huuñ be-jām ke sarshār

be-hijr ke ġhamgīn huuñ be-vasl ke ḳhursand

jis manzil-e-ā.alī meñ par-afshāñ huuñ maiñ is jā

duniyā hai na uqbā hai na banda na ḳhudāvand

kyā daḳhl hai zāhid kā mere dil ke haram meñ

ye qasr nahīñ jannat-e-firdaus ke mānand

āzād hai kaunain se vo mard-e-qalandar

'maikash' ko na de tāj-e-bukHārā-o-samarqand

yaksan hai mera dil haram-o-dair mein KHursand

KHud apna hi banda hun main KHud apna KHudawand

han chheD de mutrib meri hasti ka tarana

main husn ka markaz hun dil-e-ishq ki saugand

wo ishq nahin hun ki ho aahon mein muqayyad

wo husn nahin hun ki ho jalwon mein nazar-band

hun lala-e-sahra ki tarah KHanuman bar-dosh

wo sarw nahin jo kisi gulshan ka ho paband

behosh ke hushiyar hun be-jam ke sarshaar

be-hijr ke ghamgin hun be-wasl ke KHursand

jis manzil-e-aali mein par-afshan hun main is ja

duniya hai na uqba hai na banda na KHudawand

kya daKHl hai zahid ka mere dil ke haram mein

ye qasr nahin jannat-e-firdaus ke manand

aazad hai kaunain se wo mard-e-qalandar

'maikash' ko na de taj-e-bukHara-o-samarqand