ye bhī koī waza aane kī hai jo aate ho tum

ye bhī koī vaz.a aane kī hai jo aate ho tum

ek dam aa.e nahīñ guzrā ki phir jaate ho tum

duur se yuuñ to koī jhamkī dikhā jaate ho tum

par jo chāhūñ ye ki paas aao kahāñ aate ho tum

kahiye mujh se to bhalā itnā ki kuchh maiñ bhī sunūñ

banda-parvar kis ke haañ tashrīf farmāte ho tum

us parī-sūrat balā-añgez ko dekhā nahīñ

nāseho ma.azūr ho gar mujh ko samjhāte ho tum

dekhiye ḳhirman pe ye barq-e-balā kis ke paḌe

be-tarah kuchh tevarī badle chale aate ho tum

jo koī banda ho apnā is se phir kyā hai hijāb

maiñ to is laa.eq nahīñ jo mujh se sharmāte ho tum

aaj ye go aur ye maidāñ unheñ kah dījiye

dekh luuñ jin ke bharose mujh ko dhamkāte ho tum

phir na āveñge kabhī aisī hī gar āzurda ho

bas chale ham ḳhush raho kaahe ko jhuñjlāte ho tum

hālat-e-'bedār' ab kyā kījiye aap aage bayāñ

vaqt hai ab bhī agar tashrīf farmāte ho tum

ye bhī koī waza aane kī hai jo aate ho tum

ek dam aae nahīñ guzrā ki phir jate ho tum

dur se yuñ to koī jhamkī dikhā jate ho tum

par jo chāhūñ ye ki pas aao kahāñ aate ho tum

kahiye mujh se to bhalā itnā ki kuchh maiñ bhī sunūñ

banda-parwar kis ke hañ tashrīf farmāte ho tum

us parī-sūrat balā-añgez ko dekhā nahīñ

nāseho mazūr ho gar mujh ko samjhāte ho tum

dekhiye ḳhirman pe ye barq-e-balā kis ke paḌe

be-tarah kuchh tewarī badle chale aate ho tum

jo koī banda ho apnā is se phir kyā hai hijāb

maiñ to is laeq nahīñ jo mujh se sharmāte ho tum

aaj ye go aur ye maidāñ unheñ kah dījiye

dekh luñ jin ke bharose mujh ko dhamkāte ho tum

phir na āweñge kabhī aisī hī gar āzurda ho

bas chale hum ḳhush raho kahe ko jhuñjlāte ho tum

hālat-e-'bedār' ab kyā kījiye aap aage bayāñ

waqt hai ab bhī agar tashrīf farmāte ho tum