ye jo laga hai tir mujhe ai kaman-e-ishq

ye jo lagā hai tiir mujhe ai kamān-e-ishq

mahshar meñ dekhiyo yahī hogā nishān-e-ishq

sur khīñche aah ḳhaak se merī jo misl-e-nai

hai kyā ajab ki huuñ maiñ shahīd-e-sinān-e-’ishq

maqdūr kyā jo kah sakūñ kuchh ramz-e-ishq ko

juuñ sham.a huuñ agarche sarāpā zabān-e-ishq

parvez ne miTāne meñ taqsīr to na kī

rah ga.ī zabān-e-tesha pe ye dāstān-e-’ishq

dil khone par jo rote ho ai hamdamo ’abas

Tuk aañkh khol dekho ki jaatā hai jān-e-’ishq

ye jo laga hai tir mujhe ai kaman-e-ishq

mahshar mein dekhiyo yahi hoga nishan-e-ishq

sur khinche aah KHak se meri jo misl-e-nai

hai kya ajab ki hun main shahid-e-sinan-e-’ishq

maqdur kya jo kah sakun kuchh ramz-e-ishq ko

jun shama hun agarche sarapa zaban-e-ishq

parwez ne miTane mein taqsir to na ki

rah gai zaban-e-tesha pe ye dastan-e-’ishq

dil khone par jo rote ho ai hamdamo ’abas

Tuk aankh khol dekho ki jata hai jaan-e-’ishq