ye nazar ki zad hai zalim mera dam nikal na jae

ye nazar kī zad hai zālim mirā dam nikal na jaa.e

mujhe sirf us kā Dar hai ki ye tiir chal na jaa.e

vo uThī hai ātish-e-ġham kī nafs nafs hai sozāñ

mirī ruuh tap na uTThe mirā jism jal na jaa.e

mire rāz-dāñ se hañs kar vo ḳhitāb kar rahe haiñ

kahīñ thapkiyoñ meñ aakar koī raaz ugal na jaa.e

tirī bazm meñ jo ham haiñ to yahāñ pe ġhair kyuuñ ho

ye ḳhalish nikal na jaa.e ye azaab Tal na jaa.e

vo uThā rahe haiñ chilman vo dikhā rahe haiñ sūrat

kahīñ hosh uḌ na jaa.eñ kahīñ dil machal na jaa.e

maiñ charāġh-e-nā-tavāñ huuñ koī dam kā mehmāñ huuñ

mire sāmne se uTh kar koī ek pal na jaa.e

vo 'nasīr' sun rahe haiñ mire dard kā fasāna

mujhe har ghaḌī hai dhaḌkā kahīñ ruḳh badal na jaa.e

ye nazar ki zad hai zalim mera dam nikal na jae

mujhe sirf us ka Dar hai ki ye tir chal na jae

wo uThi hai aatish-e-gham ki nafs nafs hai sozan

meri ruh tap na uTThe mera jism jal na jae

mere raaz-dan se hans kar wo KHitab kar rahe hain

kahin thapkiyon mein aakar koi raaz ugal na jae

teri bazm mein jo hum hain to yahan pe ghair kyun ho

ye KHalish nikal na jae ye azab Tal na jae

wo uTha rahe hain chilman wo dikha rahe hain surat

kahin hosh uD na jaen kahin dil machal na jae

main charagh-e-na-tawan hun koi dam ka mehman hun

mere samne se uTh kar koi ek pal na jae

wo 'nasir' sun rahe hain mere dard ka fasana

mujhe har ghaDi hai dhaDka kahin ruKH badal na jae