yusuf phansa paDa tha zulaiKHa ki chah mein

yūsuf phañsā paḌā thā zulaiḳhā kī chaah meñ

yāqūb jhāñkte the kueñ shāh-rāh meñ

kis tarah kahiye us ko bhalā sāya-e-ḳhudā

gar 'adl vajūd-e-mohar na ho bādshāh meñ

duniyā kī saltanat ko samajhte haiñ yuuñ faqr

naushā kabhī bane koī jaise biyāh meñ

hushiyār mai-kade meñ na paayā kisī ko aah

be-ḳhud koī nazar na paḌā ḳhānqāh meñ

taqvā par apne tujhe is tarah hai zauq

fāsiq ko jaise miltī hai lazzat gunāh meñ

ik roz jā ke dar pe ḳharābāt ke to baiTh

kab tak phañsā degā mashīḳhat kī chaah meñ

'āshiq kā haal yaar kisī din to pūchhtā

tāsīr hotī kuchh bhī agar us kī aah meñ

’irfān-e-haq se jis kī huī nazar buland

haft-āsmān past haiñ us kī nigāheñ

yaañ kyuuñ na zikr-e-yār hamesha rahe 'turāb'

karatā huuñ nafī ġhair meñ har lā-ilāh meñ

yusuf phansa paDa tha zulaiKHa ki chah mein

yaqub jhankte the kuen shah-rah mein

kis tarah kahiye us ko bhala saya-e-KHuda

gar 'adl wajud-e-mohar na ho baadshah mein

duniya ki saltanat ko samajhte hain yun faqr

nausha kabhi bane koi jaise biyah mein

hushiyar mai-kade mein na paya kisi ko aah

be-KHud koi nazar na paDa KHanqah mein

taqwa par apne tujhe is tarah hai zauq

fasiq ko jaise milti hai lazzat gunah mein

ek roz ja ke dar pe KHarabaat ke to baiTh

kab tak phansa dega mashiKHat ki chah mein

'ashiq ka haal yar kisi din to puchhta

tasir hoti kuchh bhi agar us ki aah mein

’irfan-e-haq se jis ki hui nazar buland

haft-asman past hain us ki nigahen

yan kyun na zikr-e-yar hamesha rahe 'turab'

karata hun nafi ghair mein har la-ilah mein