ai dost hum pe jab se tera iltifat hai

ai dost ham pe jab se tirā iltifāt hai

har ġham se be-niyāz hamārī hayāt hai

kam-kam hai āsmān ke tāroñ meñ raushnī

shāyad sahar qarīb hai thoḌī sī raat hai

hai kis liye udaas chaman kī kalī kalī

kyā baat hai ki zard har ik phuul paat hai

iz.hār-e-hāl dil pe bhalā kyuuñ ḳhafā hai tū

terā gila nahīñ hai zamāne kī baat hai

ik terā ġham hī ishq kī taqdīr meñ nahīñ

ham-rāh tere ġham ke ġham-e-kā.enāt hai

kyuuñ dhuum sī mache na mere dil meñ ai 'zafar'

aa.ī shab-e-firāq ġhamoñ kī barāt hai

ai dost hum pe jab se tera iltifat hai

har gham se be-niyaz hamari hayat hai

kam-kam hai aasman ke taron mein raushni

shayad sahar qarib hai thoDi si raat hai

hai kis liye udas chaman ki kali kali

kya baat hai ki zard har ek phul pat hai

izhaar-e-haal dil pe bhala kyun KHafa hai tu

tera gila nahin hai zamane ki baat hai

ek tera gham hi ishq ki taqdir mein nahin

ham-rah tere gham ke gham-e-kaenat hai

kyun dhum si mache na mere dil mein ai 'zafar'

aai shab-e-firaq ghamon ki baraat hai