aap jab tak the na nazdik-e-dil-o-jaan itne

aap jab tak the na nazdīk-e-dil-o-jāñ itne

ham na rahte the mohabbat meñ pareshāñ itne

ye tavaqqo.a thī kise shām-e-alam se pahle

ye mire zaḳhm-e-jigar hoñge numāyāñ itne

us meñ sāzish to raqīboñ kī yaqīnan hogī

vo na rahte the kabhī ham se gurezāñ itne

un ko nisbat jo nahīñ ḳhāna-ḳharābī se mirī

kyuuñ hasīñ lagne lage mujh ko bayābāñ itne

oḌhe rahte the hamesha hī ridā-e-tahzīb

mausam-e-gul se vo pahle the na ’uryāñ itne

tujh se kyuuñ hotī bhalā koī shikāyat ham ko

ham tire ġham meñ uThā.e jo na nuqsāñ itne

tīrgī ġham kī nahīñ dil meñ kahīñ bhī baaqī

yād-e-jānāñ ke sitāre haiñ daraḳhshāñ itne

ai zafar us kā gumāñ tak bhī nahīñ thā ham ko

ham gunahgār-e-vafā hoñge pashemāñ itne

aap jab tak the na nazdik-e-dil-o-jaan itne

hum na rahte the mohabbat mein pareshan itne

ye tawaqqoa thi kise sham-e-alam se pahle

ye mere zaKHm-e-jigar honge numayan itne

us mein sazish to raqibon ki yaqinan hogi

wo na rahte the kabhi hum se gurezan itne

un ko nisbat jo nahin KHana-KHarabi se meri

kyun hasin lagne lage mujh ko bayaban itne

oDhe rahte the hamesha hi rida-e-tahzib

mausam-e-gul se wo pahle the na ’uryan itne

tujh se kyun hoti bhala koi shikayat hum ko

hum tere gham mein uThae jo na nuqsan itne

tirgi gham ki nahin dil mein kahin bhi baqi

yaad-e-jaanan ke sitare hain daraKHshan itne

ai zafar us ka guman tak bhi nahin tha hum ko

hum gunahgar-e-wafa honge pasheman itne