مرشد کی نگاہوں کو چہرے کو پڑھو سمجھو

مرشد کی نگاہوں کو چہرے کو پڑھو سمجھو

اب مئے کی ضرورت کیا آنکھوں سے پیو سمجھو

اے یار مجھے تم نے جب اپنا بنایا ہے

تم سامنے آجاؤ کچھ ایسا کرو سمجھو

دنیا کی محبت تو کرتی ہے ہوس پیدا

عقبیٰ کی حقیقت سے تم عشق کرو سمجھو

منزل پہ بھی پہنچو گے مجبور نہیں ہو تم

مضبوط ارادوں سے تم دل کے چلو سمجھو

پیمانہ ملے فوراً یہ دل سے نکالو تم

مجبورئ ساقی بھی اے تشنہ لبو سمجھو

تم درد محبت کی کوئی بھی دوا لے لو

اس دل میں محبت ہے اے چارہ گرو سمجھو

مانا کہ ظفرؔ تم نے لکھیں ہیں کئی غزلیں

جو سامنے مصرع ہے اس پہ تو لکھو سمجھو