naqab-e-ruKH uThaya ja raha hai

naqāb-e-ruḳh uThāyā jā rahā hai

sukūñ 'ālam pe chhāyā jā rahā hai

ba-yād-e-iltifāt-e-chashm-e-jānāñ

har ik sāġhar uThāyā jā rahā hai

ruḳh-e-tābāñ se hai raushan mirā dil

zamīñ par chāñd chhāyā jā rahā hai

vo bikhrīñ dekhiye chehra pe zulfeñ

gahan meñ chāñd aayā jā rahā hai

ba-shakl-e-sham'-e-dil kī hasratoñ ko

sar-e-mahfil jalāyā jā rahā hai

ye bijlī bhī na āsūda rahegī

nasheman kyā jalāyā jā rahā hai

fareb-e-dil umīdeñ kis qadar haiñ

mirā ġham muskurāyā jā rahā hai

na jaane kyā umīdeñ haiñ ki ab tak

ġham-e-hastī uThāyā jā rahā hai

ye ik do saañs bhī kyuuñ le rahā huuñ

fuġhāñ kā harf aayā jā rahā hai

kise apnā kaheñge vo jahāñ meñ

hameñ hī gar miTāyā jā rahā hai

hadīs-e-shauq se ai taaj dil par

surūr-o-kaif chhāyā jā rahā hai

naqab-e-ruKH uThaya ja raha hai

sukun 'alam pe chhaya ja raha hai

ba-yaad-e-iltifat-e-chashm-e-jaanan

har ek saghar uThaya ja raha hai

ruKH-e-taban se hai raushan mera dil

zamin par chand chhaya ja raha hai

wo bikhrin dekhiye chehra pe zulfen

gahan mein chand aaya ja raha hai

ba-shakl-e-sham'-e-dil ki hasraton ko

sar-e-mahfil jalaya ja raha hai

ye bijli bhi na aasuda rahegi

nasheman kya jalaya ja raha hai

fareb-e-dil umiden kis qadar hain

mera gham muskuraya ja raha hai

na jaane kya umiden hain ki ab tak

gham-e-hasti uThaya ja raha hai

ye ek do sans bhi kyun le raha hun

fughan ka harf aaya ja raha hai

kise apna kahenge wo jahan mein

hamein hi gar miTaya ja raha hai

hadis-e-shauq se ai taj dil par

surur-o-kaif chhaya ja raha hai