is qadar chamka jamal-e-yar ruswa ho gaya

is qadar chamkā jamāl-e-yār rusvā ho gayā

in kā māh-o-mehr ho jaanā tamāshā ho gayā

koī dekhe us sarāpā husn kī ra'anā.iyāñ

ā.īna mahv-e-jamāl-e-rū-e-zebā ho gayā

ye 'urūj-e-shān-e-ġham thā yā karāmat 'ishq kī

dāman-e-dil meñ jo aañsū thā vo taarā ho gayā

ho tumheñ maqsūd duniyā ho tumheñ maqsūd diiñ

dīn-o-duniyā sab usī ke jo tumhārā ho gayā

ḳhair aa.ī to ajal koī milā to ġham-gusār

Dūbte ko ek tinke kā sahārā ho gayā

is qadar hai dil-farebī har adā meñ aap kī

ḳhud musavvir dekh kar tasvīr-e-shaidā ho gayā

is qadar chamka jamal-e-yar ruswa ho gaya

in ka mah-o-mehr ho jaana tamasha ho gaya

koi dekhe us sarapa husn ki ra'anaiyan

aaina mahw-e-jamal-e-ru-e-zeba ho gaya

ye 'uruj-e-shan-e-gham tha ya karamat 'ishq ki

daman-e-dil mein jo aansu tha wo tara ho gaya

ho tumhein maqsud duniya ho tumhein maqsud din

din-o-duniya sab usi ke jo tumhaara ho gaya

KHair aai to ajal koi mila to gham-gusar

Dubte ko ek tinke ka sahaara ho gaya

is qadar hai dil-farebi har ada mein aap ki

KHud musawwir dekh kar taswir-e-shaida ho gaya