اس قدر چمکا جمالِ یار رسوا ہوگیا

اس قدر چمکا جمالِ یار رسوا ہوگیا

ان کا ماہ ومہر ہوجانا تماشا ہوگیا

کوئی دیکھے اس سراپا حسن کی رعنائیاں

آئینہ محوِ جمال روئے زیبا ہوگیا

یہ عروج شانِ غم تھا یا کرامت عشق کی

دامنِ دل میں جو آنسو تھا وہ تارا ہوگیا

ہو تمہیں مقصودِ دنیا ہو تمہیں مقصودِ دیں

دین ودنیا سب اسی کے جو تمہارا ہوگیا

خیر آئی تو اجل کوئی ملا تو غمگسار

ڈوبتے کو ایک تنکے کا سہارا ہوگیا

اس قدر ہے دلفریبی ہر ادا میں آپ کی

خود مصور دیکھ کر تصویر شیدا ہوگیا