zillat-e-ishq ko samjhe hue izzat rahiye

zillat-e-ishq ko samjhe hue izzat rahiye

kitnā hī us ke sabab bāb-e-muzillat rahiye

gar haqīqī nahīñ be-laus majāzī hī sahī

rah ka.e ishq se paidā kisī bābat rahiye

maz.hab-e-ishq se vus.at nahīñ rakhtā koī

iḳhtiyār us kā kiye maz.hab-o-millat rahiye

dostī hī kā paḌe rāh-e-talab meñ har gaam

āshnā.ī ke bas āvāra-e-ġhurbat rahiye

laag se laag rahe dil ko baharhāl ai 'vajd'

soz bā saaz meñ jis haal meñ hazrat rahiye

zillat-e-ishq ko samjhe hue izzat rahiye

kitna hi us ke sabab bab-e-muzillat rahiye

gar haqiqi nahin be-laus majazi hi sahi

rah kae ishq se paida kisi babat rahiye

mazhab-e-ishq se wusat nahin rakhta koi

iKHtiyar us ka kiye mazhab-o-millat rahiye

dosti hi ka paDe rah-e-talab mein har gam

aashnai ke bas aawara-e-ghurbat rahiye

lag se lag rahe dil ko baharhaal ai 'wajd'

soz ba saz mein jis haal mein hazrat rahiye