khich ke waiz bhi chale aae hain mai-KHane mein

khich ke vā'iz bhī chale aa.e haiñ mai-ḳhāne meñ

sāqiyā kaun sī mai hai tire paimāne meñ

dil meñ aakar kabhī armānoñ kā ġhauġhā to suno

ek ābādī hai pinhāñ mire vīrāne meñ

har tamāsha meñ vo karatā hai tamāsha terā

hoshiyārī ye baḌī hai tire dīvāne meñ

mujh se dīvāne ko ai hazrat-e-vā'iz kahiye

fā.ida aap ne kyā samjhā hai samjhāne meñ

'ishq meñ mar hī ke miltī hai hayāt-e-jāved

raaz pinhāñ hai ye parvāna ke jal jaane meñ

mahmil dil kī taraf jhāñk ke dekho to 'zuhūr'

husn-e-lailā kī ziyā hai usī kāshāne meñ

khich ke wa'iz bhi chale aae hain mai-KHane mein

saqiya kaun si mai hai tere paimane mein

dil mein aakar kabhi armanon ka ghaugha to suno

ek aabaadi hai pinhan mere virane mein

har tamasha mein wo karata hai tamasha tera

hoshiyari ye baDi hai tere diwane mein

mujh se diwane ko ai hazrat-e-wa'iz kahiye

faida aap ne kya samjha hai samjhane mein

'ishq mein mar hi ke milti hai hayat-e-jawed

raaz pinhan hai ye parwana ke jal jaane mein

mahmil dil ki taraf jhank ke dekho to 'zuhur'

husn-e-laila ki ziya hai usi kashane mein