aah ko dard chahiye naghme ko saz chahiye

aah ko dard chāhiye naġhme ko saaz chāhiye

raaz kā mājrā hai ye raaz ko raaz chāhiye

hijr kī lazzatoñ meñ gum hai merī saarī kā.ināt

mujh ko to har sahr ke baa'd shām-e-darāz chāhiye

kyā mire zauq-e-bandagī chāhiye koī āstāñ

kyā mirī ārzū-e-dīd jalva-tarāz chāhiye

zauq-e-sujūd kyā kare nā't-o-durūd kyā kare

mā'rafat-e-habīb ko qalb-gudāz chāhiye

yā'nī ki ho niyāz-e-’ishq naġhma-e-soz-o-sāz 'ishq

jo ho kisī kā rāz-e-'ishq 'rāz' vo raaz chāhiye

aah ko dard chahiye naghme ko saz chahiye

raaz ka majra hai ye raaz ko raaz chahiye

hijr ki lazzaton mein gum hai meri sari kainat

mujh ko to har sahr ke ba'd sham-e-daraaz chahiye

kya mere zauq-e-bandagi chahiye koi aastan

kya meri aarzu-e-did jalwa-taraaz chahiye

zauq-e-sujud kya kare na't-o-durud kya kare

ma'rafat-e-habib ko qalb-gudaz chahiye

ya'ni ki ho niyaz-e-’ishq naghma-e-soz-o-saz 'ishq

jo ho kisi ka raaz-e-'ishq 'raaz' wo raaz chahiye