aaina samne rakh kar ye tamasha dekha

ā.īna sāmne rakh kar ye tamāsha dekhā

apnī sūrat meñ tire husn kā jalva dekhā

sajda karne lage jhuk-jhuk ke malak aadam ko

nuur peshānī pe terā jo chamaktā dekhā

hai haqīqat meñ bashar qatra-e-nā-chīz magar

mo.jazan ham ne usī qatra meñ dariyā dekhā

jalva-farmā huā vo bahr-e-latāfat dil meñ

ham ne kuuze meñ samāte hue dariyā dekhā

qatl kar ke mujhe kis naaz se farmāte haiñ

kisī ma'ashūq pe marne kā tamāshā dekhā

vahī ā’rif hai vahī mard-e-ḳhudā hai 'mohsin'

jis ne qatre meñ hī dariyā kā tamāshā dekhā

aaina samne rakh kar ye tamasha dekha

apni surat mein tere husn ka jalwa dekha

sajda karne lage jhuk-jhuk ke malak aadam ko

nur peshani pe tera jo chamakta dekha

hai haqiqat mein bashar qatra-e-na-chiz magar

mojazan hum ne usi qatra mein dariya dekha

jalwa-farma hua wo bahr-e-latafat dil mein

hum ne kuze mein samate hue dariya dekha

qatl kar ke mujhe kis naz se farmate hain

kisi ma'ashuq pe marne ka tamasha dekha

wahi aa’rif hai wahi mard-e-KHuda hai 'mohsin'

jis ne qatre mein hi dariya ka tamasha dekha