Sufinama

mangenge ab ye dil se dua hum uTha ke hath

Aajiz Lakhnavi

mangenge ab ye dil se dua hum uTha ke hath

Aajiz Lakhnavi

MORE BYAajiz Lakhnavi

    māñgeñge ab ye dil se du'ā ham uThā ke haath

    ho duur iztirāb ye sab hai ḳhudā ke haath

    mil jaa.e mushtarī jo koī qadar-dāñ hameñ

    becheñge naqd-e-dil kisī ahl-e-vafā ke haath

    ik bose ke savāl pe allāh re hijāb

    nāz-o-hayā se rakh liye muñh par hayā ke haath

    hogā kisī ḳhuun ishāra yahī to hai

    dikhlā rahe haiñ duur se rañg-e-hinā ke haath

    māñgī zakāt-e-husn jo ham ne to kyā huā

    vaqt-e-savāl uThte haiñ aksar gadā ke haath

    hotā hai us ke kūche meñ nāma-baroñ ḳhuuñ

    bhejeñge ḳhat-e-shauq ko bād-e-sabā ke haath

    karatā hai ek vaar meñ chaurañg saikḌoñ

    qātil ko bhī ḳhudā ne diye haiñ qazā ke haath

    jaage mire nasīb shab-e-vasl is tarah

    sote meñ vo uThāte haiñ mujh ko hilā ke haath

    muTThī meñ le ke dil merā pāmāl kar diyā

    māñgā jo maiñ ne hañs diye ḳhālī dikhā ke haath

    āñkhoñ pe terī kyuuñ na tasadduq ho jān-o-dil

    bachtā hai koī aake bhī tīr-e-qazā ke haath

    Das le ye nāganī use uljhā ke daam meñ

    ājāye gar koī tirī zulf-e-dotā ke haath

    jaatā nahīñ hai dard jo 'ishq-e-butāñ se ho

    rakh de agar masīh bhī aakar shifā ke haath

    ik sham.a-rū ke 'ishq meñ parvāna ban ga.e

    aa.egī ham ko maut dil-e-mubtalā ke haath

    rū-e-zamīñ pe jaur falak se niDar na ho

    bachtā nahīñ vo daana jo ho āsiyā ke haath

    bahr-e-gunah meñ ġharq huuñ kar rahm ai rahīm

    kashtī hamārī paar lagānā ḳhudā ke haath

    mastī meñ siine se kabhī āñchal sarak gayā

    kis naaz se chhupāte haiñ donoñ uThā ke haath

    naale hamāre turfa tamāsha dikhā.eñge

    paalā hai mudda'ā jo āh-e-rasā ke haath

    'ushshāq ke diloñ se ravāñ hogā cell ḳhuuñ

    lā.eñge ḳhuub rañg ye un ke hinā ke haath

    aa.e vo be-bulā.e huī kaisī mustajāb

    māñgī thī ham ne dil se du'ā ye uThā ke haath

    nādim ham apne jurm-o-ma'āsī pe ye hue

    niklī na muñh se baat na uThe du'ā ke haath

    'ājiz' jaan husn-parastī meñ jā.egī

    mahshar meñ aabrū hai shafī.a al-varā ke haath

    mangenge ab ye dil se du'a hum uTha ke hath

    ho dur iztirab ye sab hai KHuda ke hath

    mil jae mushtari jo koi qadar-dan hamein

    bechenge naqd-e-dil kisi ahl-e-wafa ke hath

    ek bose ke sawal pe allah re hijab

    naz-o-haya se rakh liye munh par haya ke hath

    hoga kisi ka KHun ishaara yahi to hai

    dikhla rahe hain dur se rang-e-hina ke hath

    mangi zakat-e-husn jo hum ne to kya hua

    waqt-e-sawal uThte hain aksar gada ke hath

    hota hai us ke kuche mein nama-baron ka KHun

    bhejenge KHat-e-shauq ko baad-e-saba ke hath

    karata hai ek war mein chaurang saikDon

    qatil ko bhi KHuda ne diye hain qaza ke hath

    jage mere nasib shab-e-wasl is tarah

    sote mein wo uThate hain mujh ko hila ke hath

    muTThi mein le ke dil mera pamal kar diya

    manga jo main ne hans diye KHali dikha ke hath

    aankhon pe teri kyun na tasadduq ho jaan-o-dil

    bachta hai koi aake bhi tir-e-qaza ke hath

    Das le ye nagani use uljha ke dam mein

    aajaye gar koi teri zulf-e-dota ke hath

    jata nahin hai dard jo 'ishq-e-butan se ho

    rakh de agar masih bhi aakar shifa ke hath

    ek shama-ru ke 'ishq mein parwana ban gae

    aaegi hum ko maut dil-e-mubtala ke hath

    ru-e-zamin pe jaur falak se niDar na ho

    bachta nahin wo dana jo ho aasiya ke hath

    bahr-e-gunah mein gharq hun kar rahm ai rahim

    kashti hamari par lagana KHuda ke hath

    masti mein sine se kabhi aanchal sarak gaya

    kis naz se chhupate hain donon uTha ke hath

    nale hamare turfa tamasha dikhaenge

    pala hai mudda'a ka jo aah-e-rasa ke hath

    'ushshaq ke dilon se rawan hoga cell KHun

    laenge KHub rang ye un ke hina ke hath

    aae wo be-bulae hui kaisi mustajab

    mangi thi hum ne dil se du'a ye uTha ke hath

    nadim hum apne jurm-o-ma'asi pe ye hue

    nikli na munh se baat na uThe du'a ke hath

    'ajiz' ki jaan husn-parasti mein jaegi

    mahshar mein aabru hai shafia al-wara ke hath

    Source :
    • Book : Guldasta-e-Qawwali (Pg. 31)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now