dil ki duniya basi ki basi hi rahi ek gaya dusra apne ghar rah gaya

dil kī duniyā basī kī basī hī rahī ik gayā dūsrā apne ghar rah gayā

aah niklī to ābād ġham ho ga.e ġham jo niklā to dard-e-jigar rah gayā

tū butoñ meñ phañsā maiñ ġham-e-dahr meñ apnī manzil pe ai dil na pahuñchā koī

kaun kis se bhalā ab shikāyat kare tū idhar rah gayā maiñ udhar rah gayā

is ko kahte haiñ qismat kī nākāmiyāñ zindagī bhar kī mehnat huī rā.egāñ

haaye TuuTe haiñ pā-e-talab bhī kahāñ do qadam un kā jab sañg-e-dar rah gayā

zaḳhm khā khā ke qalb-o-jigar chuur haiñ saiñkaḌoñ jā-ba-jā dil meñ nāsūr haiñ

ab batā.eñ to āḳhir batā.eñ hī kyā kis taraf un kā tīr-e-nazar rah gayā

nabzeñ chhuTne ko haiñ dam nikalne ko hai qāfila zindagānī kā chalne ko hai

haaye sunñe bhī kis vaqt aa.e haiñ vo qissa-e-ġham hī jab muḳhtasar rah gayā

aabrū āñso.oñ ne bachā.ī mirī baat bigḌī huī sab banā.ī mirī

jitne naqsh-e-duī the vo sab miT ga.e tū hī tū sirf payash-e-nazar rah gayā

sozish-e-dil ke baare meñ kuchh aur hī kar rahe haiñ tabīb apnī rāyezanī

maiñ to samjhā huuñ 'āqil' kahīñ na kahīñ TuuT kar un kā tīr-e-nazar rah gayā

dil ki duniya basi ki basi hi rahi ek gaya dusra apne ghar rah gaya

aah nikli to aabaad gham ho gae gham jo nikla to dard-e-jigar rah gaya

tu buton mein phansa main gham-e-dahr mein apni manzil pe ai dil na pahuncha koi

kaun kis se bhala ab shikayat kare tu idhar rah gaya main udhar rah gaya

is ko kahte hain qismat ki nakaamiyan zindagi bhar ki mehnat hui raegan

haye TuTe hain pa-e-talab bhi kahan do qadam un ka jab sang-e-dar rah gaya

zaKHm kha kha ke qalb-o-jigar chur hain sainkaDon ja-ba-ja dil mein nasur hain

ab bataen to aaKHir bataen hi kya kis taraf un ka tir-e-nazar rah gaya

nabzen chhuTne ko hain dam nikalne ko hai qafila zindagani ka chalne ko hai

haye sunne bhi kis waqt aae hain wo qissa-e-gham hi jab muKHtasar rah gaya

aabru aansoon ne bachai meri baat bigDi hui sab banai meri

jitne naqsh-e-dui the wo sab miT gae tu hi tu sirf payash-e-nazar rah gaya

sozish-e-dil ke bare mein kuchh aur hi kar rahe hain tabib apni rayezani

main to samjha hun 'aqil' kahin na kahin TuT kar un ka tir-e-nazar rah gaya