gham mein jita hun tere hijr mein marta hun main

ġham meñ jiitā huuñ tire hijr meñ martā huuñ maiñ

ḳhud hī bīmār huuñ aur ḳhud hī masīhā huuñ meñ

rāz-e-kun aur fayakūñ hai mere siine meñ

ek qatra huuñ magar hāsil dariyā huuñ maiñ

tū to mujh meñ hai nihāñ ab ye huā hai ma.alūm

apnī hastī ko baḌī der meñ samjhā huuñ maiñ

maiñ jo hotā huuñ to tū hotā nahīñ paas mare

tū jo hotā hai to ḳhud ko nahīñ paatā huuñ maiñ

sajda-e-shauq farishtoñ ne kiyā thā mujh ko

dekh le charḳh vahī ḳhaak aag kā putlā huuñ maiñ

aa mere bigḌe hue vaqt kā sāthī ban jā

rāh-e-ulfat meñ tirī dekh akelā huuñ maiñ

gham mein jita hun tere hijr mein marta hun main

KHud hi bimar hun aur KHud hi masiha hun mein

raaz-e-kun aur fayakun hai mere sine mein

ek qatra hun magar hasil dariya hun main

tu to mujh mein hai nihan ab ye hua hai malum

apni hasti ko baDi der mein samjha hun main

main jo hota hun to tu hota nahin pas mare

tu jo hota hai to KHud ko nahin pata hun main

sajda-e-shauq farishton ne kiya tha mujh ko

dekh le charKH wahi KHak aag ka putla hun main

aa mere bigDe hue waqt ka sathi ban ja

rah-e-ulfat mein teri dekh akela hun main