barq chamki chaman wale dushman hue chaar tinke bujhana ghazab ho gaya

barq chamkī chaman vaale dushman hue chaar tinke bujhānā ġhazab ho gayā

chand phūloñ meñ ai ham-nashīno mirā āshiyāna banānā ġhazab ho gayā

paḌ ga.e jā-ba-jā dil pe nāsūr-e-ġham rāh-e-ulfat meñ aanā ġhazab ho gayā

kaT rahī thī baḌī pur-sukūñ zindagī un se nazreñ milānā ġhazab ho gayā

thī na jab tak mujhe do jahāñ kī ḳhabar un ke zaanū pe rakhe hue thā maiñ sar

maiñ jo sambhālā tū kuchh mutma.in ho ga.e hosh meñ merā aanā ġhazab ho gayā

hijr kī aag siine meñ jalne lagī ārzūoñ kī sham.a pighalne lagī

zindagī ġham ke sāñche meñ Dhalne lagī raaz ulfat chhupānā ġhazab ho gayā

maiñ na bahkā thā jab ye aalam rahā daur chaltā jaam chaltā rahā

maiñ jo bahkā tū saaqī ne piine na dī jhuum kar laḌkhaḌānā ġhazab ho gayā

merī hastī banī aur bigaḌ bhī ga.ī ek duniyā basī aur ujaḌ bhī ga.ī

de ga.e umr bhar ko vo dāġh-e-alam do ghaḌī muskurānā ġhazab ho gayā

Dūbtā jā rahā thā safīna mirā bahr-e-ġham meñ baḌe mutma.in taur se

vo jo aa.e irāda badalnā paḌā un kā sāhil pe aanā ġhazab ho gayā

miT ga.e naqsh kho ga.e kārvāñ chhup ga.e gard meñ rāstoñ ke nishāñ

jaake manzil pe josh ḳhushī meñ mirā ḳhaak manzil uḌānā ġhazab ho gayā

be piye shaiḳh sāhib bahakne lage ġham ke maare jigar thaam kar rah ga.e

ai amānullah terā bharī bazm meñ sher 'āqil' kā gaanā ġhazab gayā

barq chamki chaman wale dushman hue chaar tinke bujhana ghazab ho gaya

chand phulon mein ai ham-nashino mera aashiyana banana ghazab ho gaya

paD gae ja-ba-ja dil pe nasur-e-gham rah-e-ulfat mein aana ghazab ho gaya

kaT rahi thi baDi pur-sukun zindagi un se nazren milana ghazab ho gaya

thi na jab tak mujhe do jahan ki KHabar un ke zanu pe rakhe hue tha main sar

main jo sambhaala tu kuchh mutmain ho gae hosh mein merā aana ghazab ho gaya

hijr ki aag sine mein jalne lagi aarzuon ki shama pighalne lagi

zindagi gham ke sanche mein Dhalne lagi raaz ulfat chhupana ghazab ho gaya

main na bahka tha jab ye aalam raha daur chalta jam chalta raha

main jo bahka tu saqi ne pine na di jhum kar laDkhaDana ghazab ho gaya

meri hasti bani aur bigaD bhi gai ek duniya basi aur ujaD bhi gai

de gae umr bhar ko wo dagh-e-alam do ghaDi muskurana ghazab ho gaya

Dubta ja raha tha safina mera bahr-e-gham mein baDe mutmain taur se

wo jo aae irada badalna paDa un ka sahil pe aana ghazab ho gaya

miT gae naqsh kho gae karwan chhup gae gard mein raston ke nishan

jake manzil pe josh KHushi mein mera KHak manzil uDana ghazab ho gaya

be piye shaiKH sahib bahakne lage gham ke mare jigar tham kar rah gae

ai amanullah tera bhari bazm mein sher 'aqil' ka gana ghazab gaya