KHana-e-dil mein KHuda tha mujhe malum na tha

ḳhāna-e-dil meñ ḳhudā thā mujhe mā'lūm na thā

yaar pahlū meñ chhipā thā mujhe ma.alūm na thā

musta’id yaar khaḌā thā mujhe mā'lūm na thā

kun kā kul 'uqda khulā thā mujhe mā'lūm na thā

yaar ko 'ishq huā thā mujhe mā'lūm na thā

apnā yuuñ nashv-o-numā thā mujhe mā'lūm na thā

zaat meñ rabb-e-ahad kī jo thā ahmad kā vajūd

nukta vahdat kā baḌā thā mujhe mā'lūm na thā

ho ke insān kī hastī meñ fanā dekh liyā

yā ḳhud jalva-numā thā mujhe mā'lūm na thā

ḳhat-e-taqdīr meñ mā'dūm hai apnī hastī

yaar ne yuuñ hī likhā thā mujhe mā'lūm na thā

daam meñ 'ishq ke phañs-phañs ke mirā tā.ir-e-jān

qafas tan meñ rahā thā mujhe mā'lūm na thā

sūrat-e-yār kā jo nuur nazar aatā hai

ā.īna ḳhud vo banā thā mujhe mā'lūm na thā

maiñ tamāshe ko jahāñ ke jo 'adam se pahuñchā

peshvā paik-e-qazā thā mujhe mā'lūm na thā

dast-bosī ke 'evaz thā mere ḳhuun kā sāmān

haath par rañg-e-hinā thā mujhe mā'lūm na thā

hazrat-e-ḳhvāja-e-chishtī-e-mu’īnuddīn ḳhud

dil meñ 'āshiq' ke basā thā mujhe mā'lūm na thā

KHana-e-dil mein KHuda tha mujhe ma'lum na tha

yar pahlu mein chhipa tha mujhe malum na tha

musta’id yar khaDa tha mujhe ma'lum na tha

kun ka kul 'uqda khula tha mujhe ma'lum na tha

yar ko 'ishq hua tha mujhe ma'lum na tha

apna yun nashw-o-numa tha mujhe ma'lum na tha

zat mein rabb-e-ahad ki jo tha ahmad ka wajud

nukta wahdat ka baDa tha mujhe ma'lum na tha

ho ke insan ki hasti mein fana dekh liya

ya KHud jalwa-numa tha mujhe ma'lum na tha

KHat-e-taqdir mein ma'dum hai apni hasti

yar ne yun hi likha tha mujhe ma'lum na tha

dam mein 'ishq ke phans-phans ke mera tair-e-jaan

qafas tan mein raha tha mujhe ma'lum na tha

surat-e-yar ka jo nur nazar aata hai

aaina KHud wo bana tha mujhe ma'lum na tha

main tamashe ko jahan ke jo 'adam se pahuncha

peshwa paik-e-qaza tha mujhe ma'lum na tha

dast-bosi ke 'ewaz tha mere KHun ka saman

hath par rang-e-hina tha mujhe ma'lum na tha

hazrat-e-KHwaja-e-chishti-e-mu’inuddin KHud

dil mein 'ashiq' ke basa tha mujhe ma'lum na tha